Arsimimi për të gjithë

Thyerja e rrethit të varfërisë

CONCORDIA është një organizatë joqeveritare dhe jofitimprurëse, ku zyret janë Austri, Bullgari, Kosovë, Republikën e Moldavisë, Rumani, Gjermani dhe Zvicër e dedikuar për ofrimin e shërbimeve sociale dhe arsimore për mbështetjen e fëmijëve, të rinjve dhe familjeve të tyre me disavantazhe drejt një pavarësie dhe një jete të vetëvendosur.Në qendrat tona ditore dhe nëpërmjet shërbimeve tona në terren dhe punës në komunitet, ne ofrojmë mbështetje të koordinuar për të parandaluar ndarjen e familjes dhe përpjekje për t'i mbajtur fëmijët pranë prindërve, familjeve dhe komuniteteve të tyre dhe për të kontribuar në thyerjen e rrethit të varfërisë ndër breza1. Në CONCORDIA, ekipet tona çdo ditë punojnë me fëmijët, të rinjtë2 dhe familjet që kanë humbur (humbasin) arsimin bazë. Ata fëmijë, të cilët kanë lindur në familje të varfra me burime të kufizuara apo pa të ardhura, poashtu, ka shumë gjasa të rriten duke jetuar në varfëri, gjë që i lë brezat të mbërthyer (të ngecur) në këtë kurth, pa ndonjë mundësi për avancim të  vetvetes.  Ne e dimë se ka shpresë për të thyer rrethin e varfërisë. Një nga kontributet më të mëdha është sigurimi i aksesit të fëmijëve në arsim. Vajzat dhe djemtë, të cilët nuk vijojnë  shkollimin janë në rrezik më të madh të  jenë të shfrytëzuar dhe  të martohen herët.  Ata janë në rrugën për të ardhura shumë më të ulëta, pasi të rriten. Kjo e kufizon të ardhmen e fëmijëve të tyre, duke përsëritur kështu ciklin e varfërisë brez pas brezi. Punimi aktual: "Arsimi për të gjithë: Thyerja e rrethit të varfërisë" lidh të gjitha intervenimet arsimore të CONCORDIA Projekteve Sociale (më tej e quajtur CONCORDIA) në Austri, Bullgari, Kosovë, Republikën e Moldavisë dhe të Rumanisë.Ne besojmë se qasja në arsim cilësor gjatë gjithë jetës është faktori i vetëm, më i rëndësishëm në parandalimin e transmetimit të varfërisë nga prindërit tek fëmijët. Mund të ofrojë mundësi punësimi, burime dhe aftësi që pajisin individët dhe komunitetet e tyre me asete për një të ardhme të vetëvendosur. E balancuar me pjesën tjetër të shtyllave të programit CONCORDIA (kujdesi për fëmijët, intervenimet në komunitet, punësimi dhe biznesi social dhe fuqizimi), qasja në arsim cilësor mund të jetë çelësi për rritjen e mirëqenies ekonomike dhe emocionale të familjeve individuale, duke ndihmuar në thyerjen e rrethit të varfërisë dhe sigurimi i një jetese të qëndrueshme.

Për më shumë detaje ju lutem klikoni në linqet  si më poshtë: 

t3://file?uid=5038  dhe   t3://file?uid=5039

 

 

Edukimi i fëmijëve

CONCORDIA është e bindur se cikli i varfërisë mund të ndalet vetëm përmes arsimit. Për këtë arsye, përmes Qendrës Ditore CONCORDIA në lagjen Tranzit në Prizren, organizata fokusohet në ofrimin e aktiviteteve edukative për fëmijët më vulnerabël në komunë. 

Aktualisht, kjo Qendër organizon aktivitete edukative për fëmijët e moshave të ndryshme. Në kuadër të shërbimeve të ofruara në këtë fushë, përfshihen dy (2) programe për mbështetjen e fëmijëve dhe të rinjëve në arsimim - Mbështetja e fëmijëve në edukimin e hershëm (para-shkollor) dhe mbështetja e fëmijëve në edukimin e tyre shkollor. 

Fëmijët e moshës 2 - 6 vjeç përfshihen në aktivitetet ditore të kopshtit të CONCORDIA-s si: këndim, lojëra të ndryshme në hapësirat e brendshme të objektit si dhe në këndin e jashtëm për argëtim dhe aktivitete kreative të vizatimit dhe pikturës. Këto aktivitete kanë për qëllim ta zhvillojnë personalitetin e fëmijëve, aftësitë e tyre komunikuese si dhe ndikojnë në lumturinë e pozitivitetin e fëmijëve. Puna me këtë grup-moshë është shumë e rëndësishme në pavarësimin e tyre dhe përballjen me jetën shoqërore së bashku me bashkëmoshatarët e tyre. Për më tepër, marrë parasysh zbrazëtirën në ofrimin e shërbimit të edukimit para-shkollor në nivel nacional në Kosovë dhe qasjen në këtë shërbim nga grupet e margjinalizuara,  CONCORDIA e vlerëson si esenciale ofrimin e këtij shërbimi për përfitimin e fëmijëve në Kosovë.

Programi i dytë i mbështetjes në arsimim të fëmijëve fokusohet tek fëmijët e moshës 6 deri në 18 vjeç. Përmes këtij programi, të rinjtë e moshës së cekur mbështeten në kryerjen e detyrave të shtëpisë dhe nxitjen për vazhdimin e shkollimit. Për më tepër, ata përfshihen në aktivitetet e ndryshme edukative, sportive ose kreative ditore në Qendrën Tranzit. Në baza të rregullta, CONCORDIA organizon shetitje të ndryshme me përdoruesit e programit "Tranzit". 

 

Parlamenti i fëmijëve

Parlamenti i fëmijëve është një iniciativë e filluar në Qershor të vitit 2021 në kuadër të programit "Tranzit" të CONCORDIA Kosova. Si ide, Parlamenti i Qendrës lindi me qëllimin që fëmijët pjesëmarrës në aktivitetet e Qendrës ta zhvillojnë mendimin kritik dhe kreativitetin e tyre. Në këtë mënyrë, atyre i'u është mundësuar një hapësirë ku ata mund t'i shprehin idetë e tyre për përmirësimin e përditshmërisë dhe jetës së tyre. Në kuadër të Parlamentit, fëmijët diskutojnë së bashku për tema të ndryshme. Disa prej temave të diskutuara deri më tani në kuadër të Parlamentit përfshijnë: "Rëndësia e shkollimit", "Shëndeti mendor", "Mbrojtja e të drejtave të grave", "Mbrojtja e planetit" etj.

Në Maj të vitit 2022 janë mbajtur zgjedhjet e dyta të anëtarëve të Parlamentit të zgjedhur nga vetë fëmijët e Qendrës Tranzit.