Hapja zyrtare e qendrës CONCORDIA Tranzit si projekt i CONCORDIA Projekte Sociale, Kosovë

Për më shumë se 30 vite, CONCORDIA Sozial Projekte me seli në Vjenë / Austri operon si një organizatë ndërkombëtare me programe të ndryshme të implementuara në pesë shtete. Programet e saj variojnë duke përfshirë: ndihmë emergjente, qendra krizash, punë në terren, kujdes alternativ dhe akomodim për fëmijët, si dhe shërbime të trajnimit apo edukimit për mbështetjen e fëmijëve, të rinjëve dhe familjeve të margjinalizuara. Përmes punës së saj, CONCORDIA i’u ka ndihmuar më shumë se 7,000 përdoruesve të programeve të saj në secilin vit.

CONCORDIA Sozial Projekte I ka zgjeruar intervenimet e saj në Republikën e Kosovës duke filluar nga dhjetori i vitit 2020, përmes themelimit të shoqatës CONCORDIA Projekte Sociale. Programi i cili ofrohet në Prizren parashihet t’i mbështesë fëmijët e familijeve të margjinalizuara të cilët jetojnë në lagjen Tranzit që ata të kenë qasje në edukim. Qendra CONCORDIA Tranzit është e përkushtuar në dizajnimin e intervenimeve kualitative për fëmijë dhe të rinjë ashtuqë të gjitha nevojat e tyre socio-edukative të adresohen në një mënyrë të integruar. 
Qendra Tranzit është themeluar nga Shoqata Loyola Gymnasium në vitin 2018. Ndërsa në janar të vitit 2021, ajo është marrë përsipër nga CONCORDIA Kosova duke u bërë kështu Qendra CONCORDIA Tranzit. Kjo është një qendër e kujdesit ditor për fëmijë dhe të rinjë të të gjitha feve dhe grupeve etnike.

Me 30 Mars 2021, u mbajt hapja zyrtare e funksionimit të CONCORDIA-s në Kosovë si dhe u shenjua vazhdimësia e aktiviteteve të ofruara në Qendrën CONCORDIA Tranzit. “CONCORDIA fjalë-për-fjalë ka kuptimin e një zemre. Perëndesha greke Concordia nënkupton harmoni dhe mirëkuptim në shoqëri – një simbol i cili përkon mjaft mirë me thelbin e këtij projekti” tha Dr. Bernhard Drumel, Presidenti I Bordit të CONCORDIA Sozial Projekte Austria. Të ftuar të shumtë si përfaqësues të ministrive, institucioneve të ndryshme, OJQ-ve, vullnetarë të mëparshëm si dhe miq e mbështetës të projektit dëshmuan zbulimin e logos së CONCORDIA-s mbi objektin e qendrës Tranzit. Ambasadorët e Austrisë dhe Gjermanisë në Kosovë dërguan urimet e tyre në formë elektronike ndërsa përfaqësues nga Zyra Ndërlidhëse e Rumanisë në kuadër të Ministrisë së Punëve të Jashtme morën pjesë në ngjarje.

“Është kënaqësi të shoh që CONCORDIA e ka shtuar Kosovën në listen e vendeve ku organizata është aktive. Një gjë e tillë sjell nivel të konsiderueshëm të ekspertizës në punën me fëmijë në ambiente sfiduese të punës në Kosovë”, tha Shkëlqesia e Tij, Ambasadori Austriak në Kosovë, Z. Christoph Weidinger.

“Dua t’ju uroj të gjithëve për kontributin tuaj në gjithëpërfshirjen sociale”, tha Shkëlqesia e Tij, Ambasadori Gjerman në Kosovë, Z. Jörn Rohde përmes një video mesazhi.

Për ta përmbyllur ngjarjen, Orkestra e Fëmijëve të qendrës Tranzit performuan për audiencën.